Обращение:

Біз, Теңізбай Нұрасыл Аятұлы, 03.01.2019ж., Образование в мягких тканях ІІІ пальца на правой верхней конечности, баланың ата-анасы, сіздерден Алматы қаласында Алтынсарин 54-үйде орналасқан 2-балалар ауруханасындағы емделу ақысын төлеуге көмектесулеріңізді сұраймыз. Отбасымызда жеті бала бар. Жалдамалы пәтерде тұрамыз. Балалардың күтіміне байланысты жұмысқа шыға алмаймын. Мемлекеттен бала санына байланысты жәрдемақы аламын, шамамен 230000 теңгедей. Жолдасым 80000 айлыққа жұмыс істейді. Пәтер ақысы коммуналдық қызметтермен айына 150000 теңге шығады. Қалғаны күнделікті азық түлік, дәрі дәрмек , кредит шығынымен кетеді. Осы себепті баламның еміне қажет сомманы жинай алмадық.

Баламда бұл ісік туылғаннан бар. Перзантханадан 1 айдан соң тексертесіз деп шығарды. 6 айына дейін бірнеше рет қаралып, операцияға әрекет еттік. Ол кезде анализ нәтижелері бойынша анемия болды және бала өте әлсіз болды. Сол үшінде бала кішкене өссі, анемиясы кетсін деп кейінге қалдырылды. Одан кейін де бірнеше рет дәрігерлерге қараттық. Ешқандай нәтиже болмады. Кейбірі тіпті инемен тесіп көріңіз үйіңізде деп те кеңес берді. Туыла біткен ісік болған соң, асқындырып аламын ба деп қорықтым. Оның үстіне кәсіби маманның ұсынатын емі олай болмау керек деп ойлаймыз. Барлық жаққа қаралып, соңында көрсетілген ауруханада ота жасатуға тоқталдық. Себебі шет елден профессор келіп қарап, ота жасайды екен. Соған үлгеріп, ота ақысын төлеу керек.

Қайырымдылық көмек іздеу үшін мен Сіздерге жіберілген кез келген құжатты, соның ішінде медициналық мәлімдемелер мен фотосуреттерді бұқаралақ ақпарат құралдарында, соның ішінде интернетте пайдалануға рұқсат беремін.

Байзакова Ж.С.