Жобалар

«Добровольное Общество «Милосердие»  Қоғамдық қоры

 Біздің қор өмірдегі қиын жағдайға тап болған Қазақстандағы балаларға 16 жыл бойы жүйелі түрде көмек көрсетіп келеді:

• күрделі ауруларға шалдыққан және түрлі мүгедектігі бар балаларға;

• аутизмге шалдыққан балаларға;

• жетім балаларға;

• зорлық -зомбылықтан зардап шеккен балаларға.

Біз Қазақстандағы ең ірі қайырымдылық қоры болып табыламыз. Жобалар шеңберінде орталық және аймақтық атқарушы және заң шығарушы органдармен, сондай-ақ ҮЕҰ -мен жұмыс істейміз.


«Балаларға өмір сыйла» қайырымдылық жобасы 

Қазақстанда емделмейтін күрделі ауруларға шалдыққан балаларға көмектесеміз. Ол үшін емге қаражат жинап, емханалар іздестіреміз.

16 жылдың ішінде түрлі ауыр дертке шалдыққан 2 226 бала аман қалды. Қайырымды адамдардың арқасында балалардың еміне 4 855 450 710 теңге жиналды. Біздің басты мақсатымыз - Қазақстанның денсаулық сақтау саласын дамытып, күрделі ауруларды елде емдеуге мүмкіндік жасау.  Осы орайда шетелдік білікті мамандарды тартып, отандық дәрігерлерге мастер-класс өткіземіз,  сонымен қатар, қазақстандық  дәрігерлерді шетелдік клиникаларға оқуға жібереміз.


«Қазақстан – жетімі жоқ ел» жобасы  

Жетім қалған балаларға отбасын іздестіру. 2011 жылы жетім балалардың ашық мәліметтер базасы іске қосылды.  Осының арқасында 1000 -нан астам бала отбасында тәрбиеленуге мүмкіндік алды.

Отбасына орналастыру мәселелері бойынша кеңес беріп, асырап алушы ата-аналарға құқықтық қолдау көрсетеміз.


«Аутизмді Жеңеміз!» жобасы 

Бүгінгі күні Аутизм бүкіл адамзат алдында тұрған мәселе. «Аутизмді Жеңеміз!» жобасы – аутист балаларға көмектесу үшін ата -аналар мен мамандардың ынтымақтастық үлгісі. Жобаның принципі - балаға ғана емес, ең бастысы Отбасына көмектесу. Себебі аутизмге шалдыққан бала  мамандармен немесе тьюторлармен емес, Отбасымен бірге тұрады.  Сондықтан отбасымен жұмыс істеу өте маңызды.

Басты мақсатымыз - аутизмге шалдыққан балаларға мамандандырылған көмек көрсетіп, әлеуметтік бейімделуді қамтамасыз ету. 

Осы орайда «Аутизмді жеңеміз!»  жобасы бірнеше бағытта жұмыс істейді:

  • 1-1,5 және 3 жас аралығындағы балалар, дәл осы аралықта балаға мүмкіндігінше тиімді көмек көрсетіп,  ең жақсы нәтижеге қол жеткізуге болады;
  • 4-5 жастан асқан балалар, басты міндет - мінез-құлық мәселелерін шешу, алдымен аутист баланы отбасында, сосын қоғамда қалыпты ұстауға үйрету;
  • Білім беру бағыты, мінез -құлық дағдылары қалыптасқан аутисттерге білім алуға,  мектеп бағдарламасын меңгеруге көмектесу;
  • Тұрмысқа әлеуметтену - ата -аналарға үйдің шаруасына, тамақ әзірлеуге және т.б көмектесуге дағдылау;
  • Балалардың шығармашылық және спорттық әлеуетін дамыту – аутистер спорт пен өнер арқылы коммуникативті дағдыларды, жұмысты командамен және жеке жасауды үйренеді.
  • Сонымен қатар, «Аутизмді жеңеміз!» жобасында  Монтессори әдістемесі және ТОМАТИС әдісі бойынша жұмыс жүргізіледі.


Құқықтық көмек көрсету

Біз балаларға түрлі мәселе бойынша құқықтық қолдау көрсетеміз:

• Жетім балаларға тұрғын үй мәселесі бойынша;

• Зорлық -зомбылық, оның ішінде жыныстық зорлық;

• басқа қиын өмірлік жағдайлар.

Мұндай жағдайларда біз балаларға құқық қорғау органдарына жүгінуге,  адвокаттардың ақысын төлеуге, тергеу мен сот кезінде қауіпсіз тұрғын үй жалдауға көмектесіп,  қажетті медициналық және психологиялық қолдау  ұйымдастырамыз.