Сұрақтар мен жауаптар

Біз қандай аурулардың емін төлейміз?

Біз Қазақстанда емделмейтін ауруларға шалдыққан балалардың операцияларының құнын төлейміз. Бұл Қазақстанда емдеу мүмкін емес екенін растайтын медициналық қорытындымен дәлелденеді. Қорытынды осы диагноз бойынша бас маманмен немесе республикалық клиникада беріледі.

Клиниканы кім таңдайды?

Біз әр баланың медициналық құжаттарын кем дегенде 3 клиникаға жолдаймыз. Қорытынды таңдауды отбасы жасайды. Бірнеше емханада емделу мүмкін болған жағдайда, біз бірдей қызмет сапасы үшін төмен баға ұсынатын клиниканы таңдауды талап етеміз. Біз өз ақшамызды емес, жиналған қайыр-садақаларды пайдаланатындықтан, ақшаны дұрыс және орынды жұмсау қажет деп санаймыз.

Баланың емі қалай төленеді?

Балалардың емі тікелей клиникалардың шоттарына төленеді. Әрбір нақты баланы емдеу үшін емханамен келісім-шарт жасалып, есеп-шот ұсынылады, емделгеннен кейін атқарылған жұмыстар актісі толтырылады.

Баланың отбасына нақты нені төлейді?

Біз клиниканың шоты бойынша отаның толық құнын төлейміз. Немесе ата-анаға отаға жетпейтін соманың қалғанын төлейміз. Клиникаға дейінгі жолдың және отбасы мүшелерінің ем / ота жасалатын қалада жататын жерінің құнын төлемейміз. (анасының клиникада болуы емнің құнына қосылады, бірақ анасының немесе басқа ілесіп барушының ғана). Осылайша, қаражат тек баланың емделуіне ғана жұмсалатынына кепілдік береміз.

Оталардың құны неге қымбат

Емдеудің құнындағы ең қымбаты – бұл дәрігердің ақысы емес. Ең қымбаты - материалдар және клиникаларда қымбат жабдықтардың тұтас кешенін пайдалану. Тіпті ресейлік емханалардың өзі шетелде жасалған материалдарды пайдаланады. Ал «шығын материалдарын» үнемдеу өзін ақтамайды.

Мысалы, дәрігер өзіне қажетті жүрек «жамауларын» бермейінше, ота жасаудан бас тартқан жағдай болған. Сол кезде клиникада Қытайда шығарылған жамаулар ғана болған. Дәрігер өз шешімін былай түсіндірді: ол бұл «жамауды» қоя алады, бірақ 3 жылдан кейін оны ауыстыруға мәжбүр болады, яғни балаға тағы да ота жасау керек болады. Қажет «жамауды» бір рет және өмір бойына қоюға болады.

Неге сайтта нақты балаға қанша жиналғаны туралы жазбаймыз?

Біз әр балаға бөлек-бөлек ақша жинай алмаймыз. Оталар мен емдер «Балаларға Өмір Сыйла» акциясы шотынан төленеді және қайырымдылықтан түскен барлық ақша осы ортақ шотқа аударылады. Бұл арнайы банктік шот, ол балалардың емі үшін қайырымдылықтан түскен ақшаны жинау және емді төлеу үшін ғана пайдаланылады.

Сайтта осы шоттағы кірістер мен шығыстар туралы толық есептерді жариялаймыз. Бұл шешімге келуіміздің бірнеше себебі бар:

1. Егер ақшаны әр балаға бөлек жинасақ, біз адал болып, қайырымдылықтан түскен ақшаны 100% сол балаға ғана «жинауымыз» керек. Бұл жағдайда, жеке балаға қаржы жинау шексіз уақытты алуы мүмкін. Ал шұғыл көмекке мұқтаж балалар не істейді? Еш қаражат аударылмаған балалар ше? Отаның толық сомасына, мысалы, 100 доллар жетпей тұрған балалар не істеуі қажет?
2. Жеке балаға қажетті мөлшерден артық қайырымдылық жиналуы мүмкін. Ал егер қайырымдылық жасаушы төлем тапсырысында сол баланың аты-жөнін көрсеткен болса, онда Қор берушінің жазбаша өтінішінсіз бұл қаражатты дәл осындай көмекке мұқтаж басқа науқас балаға жұмсай алмайды. Бүкіл Қазақстан бойынша мыңдаған қайырымдылық жасаған адаммен байланысып, олардан қаражатты басқа балаға аударуға жазбаша келісім алу мүмкін емес.

Қор менің қайырмдылығымды алған-алмағанын қалай білемін?

Түскен аударымдар туралы ақпарат біздің сайтта «Қор – Есептер – «Балаларға өмір сыйла» 2007-2023 жылдар аралығындағы қайырымдылық акциясының түсімдері туралы есеп» бөлімінде жарияланған.
* Назар аударыңыз! Түсімдер бойынша есепте қайырымдылықтар қосымша парақтар бойынша бөлінген.
Егер ай сайынғы есеп жарияланғанға дейін төлеміңізді тексеру қажет болса, аударымның күнін, сомасын және аударым жасаған адамның Т.А.Ә. көрсетіп, info@detdom.kz электрондық поштасына хат жолдай аласыз. Бірнеше күннің ішінде Сізге төлем бойынша ақпарат ұсынылады.

Қайырымдылығымның қайда жұмсалғанын қалай білемін?

Қор көптеген шағын мөлшердегі көмек алады. Қордың барлық шығыны сайттың Есептемелер бөлімінде жарияланған - Есептер - 2007-2023 жылдар аралығындағы «Балаларға өмір сыйла» қайырымдылық жобасы аясында балаларды емдеуге жұмсалған шығындар туралы. Сіздің қаражатыңыз есепте көрсетілген оталардың кез келгеніне жұмсалуы мүмкін. Алайда, егер Сіз өз қайырымдылығыңыз бойынша жазбаша есеп алғыңыз келсе, info@detdom.kz эл.поштасына хат жазыңыз. Тек мұндай есептеме дайындау қызметкерлердің көп уақытын алады. Отбасылармен жұмыс істейтін және заң бойынша бұл есептерді қажет ететін заңды тұлғаларға есеп беретін Қор қызметкерлерінің бос уақыты бола бермейтінін ұмытпағаныңыз абзал.

Менің ақшам басқа мақсаттарға емес, баланың еміне кететініне қалай сенімді бола аламын?

Айқындық және қайырымдылықты 100% балалар еміне жұмсау – біздің негізгі қағидаларымыз.

1. Біз балалардың емін клиника қойған шот бойынша тікелей клиникаға төлейміз. Шотта барлық шығын сипатталған. Кез келген уақытта біз әр ота бойынша шоттар мен салыстырмалы актілер ұсына аламыз.
2. Қорға жүгінген кезде ата-аналар бірқатар құжат, оның ішінде медициналық қорытындылар мен отбасының материалдық жағдайы туралы акті ұсынады. Бұл құжаттар шынымен көмекке мұқтаж және қаражатты басқа жолмен ала алмайтын балаларға жәрдем берілетінін растайды.
3. «Балаларға Өмір Сыйла» жобасының арнайы банктік шоты қайырымдылықтарды жинау және балалардың емін төлеу үшін ғана пайдаланылады. Осы шоттың кірісі мен шығысы жайлы толық есептемелер сайтта жарияланады. Сонымен қатар банктен шот көшірімін сұрай аласыз (біз өз шотымызды банк құпиясынан босаттық) және онда түсімдер мен клиникаға жасалған төлемдер ғана екеніне көз жеткізе аласыз.

«Милосердие ерікті қоғамы» қоры қайдан келген ақшаға күн көреді?

Үйлестірушілердің жалақысы, кеңсені күтіп ұстау (жалдау, интернет, телефон және т.б.) бөлек шоттан төленеді. Бұл шығындар үшін ақшаны біз серіктестерімізден нақты осы мақсаттар үшін сұраймыз. «Қордың әкімшілік шығындарына мақсатты қайырымдылық қаражатын бөлген «PetroKazakhstan» компаниясы ұзақ уақыт бойы қорға көмек көрсетті. Бұл қор қызметін қолдауға келіскен алғашқы компания. Сол уақытта түсіністік танытқан Б.И.Исенғалиевке (ол кездегі «PetroKazakhstan» компаниясының вице-президенті) алғыс айтамыз – қор командасының тұрақты жұмысы ғана көп адамға тұрақты көмек көрсете алады. 2013 жылдан бастап негізгі әкімшілік шығындар «Samruk Kazyna Trust» КҚ-мен бірлескен жобалар аясында жүзеге асырылады - шығындар біз жыл сайын қорғайтын жобалар бюджетіне енгізілген.

Сондай-ақ , алдын ала келісім бойынша қайырымдылықтары әкімшілік шығындарына жұмсалатын бірнеше серіктесіміз бар. Мысалы, «Аутизмді жеңеміз!» жобасының бірнеше маманы мен тьютерлерінің жұмысы дәл осылай төленеді. Қордың кейбір шығыны қаржылай емес, еріктілердің еңбегімен «төленеді». Мәселен, балалардың хикаяларын ағылшын тіліне тегін аударатын жастар бар. Азаматтарға құқықтық көмек бойынша жұмыс бөлігін еріктілер атқарады. Бізге басқа еріктілер мен ұйымдар жиі көмектеседі. Мысалы, біздің жыл сайынғы есептік іс-шараларымыз көптеген ұйымның өтеусіз көмегінсіз мүмкін болмас еді.

Сіз ақшалай көмектескіңіз келеді, бірақ қолыңызда аз ғана сома бар болса?

Кез келген қайырымдылық маңызды. Ақыр аяғында ондаған теңгеден миллиондаған доллар жиналады. Сілтемені басу арқылы сіз қайырымдылық жасаудың өзіңізге қолайлы әдісін таңдай аласыз.

• www.detdom.kz сайтында online қайырымдылық тетігін басып, онлайн қайырымдылық жасауға болады.
• «Kaspi Bank» карталарын ұстаушылар және салымшылары сайтта және «Kaspi.kz» мобилдік қосымшасында онлайн қайырымдылық жасай алады. Бұл үшін басты бетте «Төлемдер» тетігін басу керек, содан кейін «Басқа» тетігін және сосын «Қайырымдылық» тетігін басу керек. Сіз «Милосердие ЕҚ» ҚҚ – Балаларға Өмір Сыйла сілтемесі бойынша өтіп, балалардың емі үшін аударым жасай аласыз. Сол жерде Сіз қайырымдылық сомасының кез келген қалаған сомаңызды көрсете аласыз.
• AO "Bereke Bank" карталарын ұстаушылар және салымшылары (Bereke Bank – Қазақстандағы Сбербанктің ресми құқықтық мұрагері) «B-Bank» мобилдік қосымшасында онлайн қайырымдылық жасай алады. «B-Bank» арқылы аударым жасау үшін «Төлемдер» бөлімі, «Қайырымдылық» санатына өту – «Милосердие ерікті қоғамы» терезесін таңдау және аударғыңыз келетін соманы көрсету керек.
• «Halyk Bank» карталарын ұстаушылар және салымшылары "Homebank.kz» қаржылық порталында онлайн қайырымдылық жасай алады. Бұл үшін www.homebank.kz сайтында немесе "homebank» мобилдік қосымшасында авторизация жасау керек. Басты бетте «Төлемдер» батырмасын басу, әрі қарай «Қайырымдылық» тетігін таңдау және “ Милосердие ерікті қоғамына” басу керек. Бұл жерде Сіз «Балаларға Өмір Сыйла» жобасына кез келген қалаған аударым сомасын көрсете аласыз.
• Әр қалаған адам «Балаларға Өмір Сыйла» жобасына "Halyk Bank» және «ЦентрКредит Банкі» кез келген бөлімшесінде қайырымдылық жасай алады. Біз барлық қажетті бухгалтерлік құжаттарды ұсынамыз.
• Әр қалаған адам "QIWI Kazakhstan» және «Касса24» өзіне-өзі қызмет көрсету терминалы арқылы Қайырымдылық терезесін басып және біздің «Милосердие ерікті қоғамы» қорымызға кіріп, кез келген қалаған сомаға қайырымдылық жасай алады.

Бізге көмектескіңіз келеді, бірақ немен көмектесе алатыныңызды білмеген жағдайда?

Қорға ақшаға ғана емес, сондай-ақ, жеке уақыт пен белгілі бір дағдыларға байланысты көмек қажет.

1. Бізге іс-шараларды дайындау кезінде көмек керек болады (стендтер, материалдарды апару/әкелу, журналисттерге телефон шалу, хаттарды тарату, қатысушыларды тіркеуді ресімдеуге көмектесу және т.б.).
2. Бізге сайтқа жарияланатын мәтіндерді ағылшын/қазақ тілдеріне аударуға көмек керек.
3. 3.Бізге кеңседе көмек керек (балалардың құжаттары жиналған мұқабаларды реттеу, хаттарды және есептерді дайындау және т.б.).
4. Ата-аналар кейде қорға жүгіну үшін құжаттарды дайындауда көмекке мұқтаж: хат теру, құжаттарды сканерлеу және жіберу, суретке түсіру және т.б.
5. Бізге макеттерді (алғыс хаттар, баннерлер, есептер, презентациялар және т.б.) дайындауда дизайнерлердің көмегі керек.

Неге біз Қазақстандағы балалар кардиохирургиясын дамытуға ақша салудың орнына балаларды шетелге емделуге «жібереміз»?

Дәл осы үшін қайырымдылық жасалады. Біз балаларды шетелге емдеуге «жіберу» уақытша шара екенін жақсы түсінеміз. Әрине, балалар Қазақстанда емделу үшін жағдай жасау әлдеқайда тиімді. Бірақ ол үшін миллиардтаған доллар қажет екені айдан анық. Біз медицинаны дамытудағы негізгі бастама мемлекетке тиесілі болуы керек деген ойдамыз. Қайырымдылық қорлары тек көмектесе алады. Олар осымен айналысып та жүр – Қазақстанда қайырылымдық қорлары мен бизнес өкілдері бүгінгі күні де клиникаларға жабдықтар сатып алып, дәрігерлерге ең үздік шетелдік клиникаларда тағылымдамадан өтуге көмектеседі. Бірақ бүгінгі күні көмекке мұқтаж жүздеген бала бар. Олар Қазақстанда кез келген көмек мүмкін болатын жақсы уақытты көрмей қалуы әбден мүмкін. Біз дәл осы балаларға қол ұшымызды береміз.