Обращение:

Біз, Бақтыбек Алихан Айдынұлы 2025 жылы туылған, көз ауруы шала туылғандардың ретинопатиясы баланың ата-анасы, сіздерден шетелде емделу ақысын төлеуге көмектесулеріңді сұраймыз. Өмірлік жағдайымыз орташа, бір жалақыға ел қатарлы өмір сүрудеміз. Өмірде баламыздың болашағы үшін емдету арманымыз. Жолдасыммен, 2024 жылы отбасын құрдық, балалы болуды жоспарлап, жоспарлы түрде балалы болдық. Алайда 34 аптаға толғанда суым кетіп ұлым ай-күніне жетпей дүниеге келді. Туылғаннан шала туылғандардың ретинопатиясы деген көз ауруы диагнозы қойылды. Ауруы перзентханадан шықпай толық тексеріс кезінде анықталып, көз дәрігерлерінің ұсынысымен арнайы укол салынды, одан кейін бір-бір жарым ай бақылады, алайда бастапқыда жақсы нәтиже болғанымен бір айдан кейін қайта асқына бастады. Көз дәрігерлері қолдан келгенін жасағандарын айтып, біз Астана қаласының офтальмолог хирургына хабарласқанымызда, бізге шет елдің білікті маманына қаралуды ұсынды. Қазіргі уақытта дәрігерлер шала туылғандардың ретинопатиясы 2 стадиясы деп қорытынды жасады, уақытылы емделмесе көз жанарының көрмей қалу қаупі барын айтуда.

Мен көптен күткен баламыздың көрмей қалуынан шорқамын, қорқыныш өзегімді өртейді. Елімізде бұндай диагноздарды емдей алмай қалуы қатты алаңдатады. Семей қаласының көз дәрігерлері қолдарынан келгенін жасағанын айтып, тек бұл ота Астана қаласының деңгейінде шешілетінін жеткізді. Ал Астана қаласының офтальмолог хирургі шет ел мамандарына жүгінуді ұсынды. Осы қадамдардан кейін ұлымның көзін емдету уақытын өткізіп аламынба деп қорқамын. Жапы 500 мың қаражатым жұмсалды. Шет ел мамандарына қолымыз жетпегендіктен сіздерден көмек сұраймын. Жағдайымыз орташа жолдасымның еңбек ақысына өмір сүрудеміз. Еңбек ақы төмен, бір еңбек ақыға қарап отырмыз, пәтер ақысы, өмір сүру тамағынан аспай қалуда. Қарызға қаражат сұрауға мүмкіндік жоқ, несие рәсімдей алмадық, банктерде несиеміз бар, қосымша тағы несие бермеді. Алла разылығы үшін Сіздерден көмек сұрап, баламның көзі емделіп кетуіне, бақытты балалық шақты сезінуіне көмектесулеріңізді сұраймын!      «Қайырымдылық көмек іздеу үшін мен Сіздерге жіберілген кез келген құжатты, соның ішінде медициналық мәлімдемелер мен фотосуреттерді бұқаралық ақпарат құралдарында, соның ішінде Интернетте пайдалануға рұқсат беремін».

Буркитова Динара Мухтаровна