Обращение:

Менің қызым Асанқұл Раяна 19.07.2019ж жылы Тараз қаласында дүниеге келді. Туғаннан аяқтары өсе бастады. 3 айлығында Алматы қаласындағы Педиатрия және балалар хирургиясы ғылыми орталығын жатып,ол жақта Врожденная Ангиодисплазия. Синдром Протея диагнозы қойылды. Қазақстандағы дәрігерлер емдеуден бас тартты,бізге шетелге баруға ұсыныс тастады. Біз осы диагнозды емдейтін мемлекеттерді іздестіріп, қызым Раянаның диагнозын түркия елінде, Cтамбул қаласындағы Liv Hospital клиникасы қабылдады. 2021 жылы 24 маусымда Стамбул қаласына бардық. Ол жақта тексере келе бүйрегінде Вилмас ісігін анықтады. Шілде айының 21 жұлдызында бүйрегінен ісік алынды және аяғына импланттар қойылды. Бұл операцияны Доктор Шенол Бекмез жасады. 2022 жылы шілде айында Стамбул қаласында аталған клиникада аяғына тағы имплант салды. Ол имплантты салмаса  сол аяғы қатты өсіп ,бір аяғы қысқа болып қалатын болды. 2023 жылы сәуір айында аяғындағы импланттарды алу үшін Стамбул қаласына бардық. Сол операцияда Аяғындағы импланттар алынды. Доктор Шенол Бекмкз екі жыл операциядан демалуға рұқсат берді. 2025 жылдың шілде айында доктор Шенол Бекмез  операция жоспарлаған болатын. Операция құны 17 миллионды құрады. Бірақ бұл операцияға қаражатымыз болмағандықтан қызым Раянаны Стамбул қаласындағы Медикал хоспиталына апара алмадым. Сол себепті Алматы қаласындағы 2 ДКБ да Доктор Шенол Бекмез Мастер класс өткізетінін естіп, Ұлжан Солтанбековаға өтініш жасадым. Бұл операция қызым Раяна үшін өте маңызды.Қызым аяғына аяқ киім кие алмайды. Егерде осы операция жасалып, Алла қаласа қызым аяқ киім киіп екі аяғын тең басады деген үмітім бар. Сіздерден сұрайтыным осы операцияға қызым Асанқұл Раянаны алуларыңызды сұранамын. Менің қызым Раяна үшін бұл операция өте маңызды. Сіздерден сол үшін өтініп сұраймын. Көмек қолдарыңызды созыңыздаршы. Қызым Раянаның фото,видеоларын жариялауға рұқсат етемін.

анасы Жирентаева Бақыткүл Нұрлыбекқызы.